प्रस्तावित प्रधानन्यायाधीश कार्कीसँग सवालजवाफ सुरु

काठमाडौं, १ असार । संसदीय सुनुवाइ समितिको बैठकमा प्रस्तावित प्रधानन्यायाधीश हरिकृष्ण कार्कीसँग सवालजवाफ भइरहेको छ ।

कार्कीविरुद्ध परेका उजुरी र उनले बिहीबारको बैठकमा पेस गरेको कार्ययोजनाका विषयमा समितिमा आज शुक्रबार उनीसँग प्रश्न सोध्ने काम भइरहेको हो ।

प्रश्न सोध्ने क्रम सकिएपछि कार्कीले जवाफ दिनेछन् ।  संसदीय समितिले उनको नाम अनुमोदन गरे हाल कायम मुकायम प्रधानन्यायाधीश रहेका कार्की प्रधानन्यायाधीश नियुक्त हुनेछन् ।