काठमाडौं, ३२ जेठ । संसदीय सुनुवाई समितिको बैठक सकिएकाे छ। बिहीबारको बैठकमा सर्वोच्च अदालतका प्रस्तावित प्रधानन्यायाधीश हरिकृष्ण कार्कीले कार्ययोजना पेश गरेका थिए ।
कार्कीले अदालतमा बिचौलियाको प्रभाव निस्तेज गर्न प्रभावकारी कानून बनाउने योजना पेश गरेका छन् । आफ्नो योजना पेश गर्दै कार्कीले बिचौलियाको रूपमा पहिचान भएका व्यक्तिहरूको गतिविधि सूक्ष्म निगरानीमा राख्ने बताए ।
कार्कीले सेवाग्राहीबाट प्राप्त राय सल्लाह सम्बन्धित पक्षमा पुर्याउने, सेवाग्राहीको गुनासो सुन्ने व्यवस्था गर्ने पनि उल्लेख गरेका छन् ।
संसदीय सुनुवाई समितिले कार्कीसँग शुक्रबार सवाल जवाफ गर्ने भएको छ । सवाल जवाफ बिहान ८ बजेदेखि सुरु हुने बताइएको छ ।
प्रस्तावित प्रधानन्यायाधीश कार्कीविरुद्ध २९ वटा उजुरी परेको छ । उनी विरूद्ध परेका २९ वटा उजुरीका बारेमा समितिले उजुरीकर्तासँग हिजो बुधबार छलफल गरेको थियो ।
गत वैशाख २५ गते संवैधानिक परिषद्बाट प्रधानन्यायाधीश लागि कार्की सिफारिस भएका थिए ।
संसदीय सुनवाई समितिले प्रस्तावित प्रधानन्यायाधीशको नाम अनुमोदन गरेपछि राष्ट्रपतिले प्रधानन्यायाधीशलाई नियुक्त गर्ने संवैधानिक व्यवस्था छ ।
प्रतिक्रिया