मकवानपुर, ३१ जेठ । सडकमा गुडिरहेको यात्रुबहाक बसबाट हामफाल्दा मकवानपुरको मनहरी-७ बिजौनामा एक युवती गम्भीर घाइते भएकी छन् ।
घाइते हुनेमा ओखलढुंगाको मुलखर्क बस्ने २१ वर्षीया दुर्गा गौतम रहेकी छिन् । उनी मनहरी बिजौना स्थित दिदिको घर आएकी थिइन् ।
बुधबार साँझ वीरगंजबाट चितवन जाँदै गरेको ना.३ ख ७८२० नम्बरको बस रोक्न लाग्दा बस नरोक्दै उनी बसबाट हामफाल्दा गम्भीर घाइते भएको जिल्ला प्रहरी कार्यालय मकवानपुरका प्रहरी प्रवक्ता डिएसपी टेकबहादुर कार्कीले बताए ।
उनका अनुसार गौतमको निधारमा गहिरो चोट लागेको छ । प्राथमिक स्वास्थ्य केन्द्र मनहरीमा समान्य उपचार पश्चात उनलाई थप उपचारको लागि भरतपुर पठाइएको छ । बस र बस चालकलाई प्रहरीले नियन्त्रणमा लिएको छ ।
प्रतिक्रिया