अमेरिकन राष्ट्रपति जो बाइडेन भुइँमा लडे (भिडिओ)

काठमाडौं, १९ जेठ । अमेरिकी राष्ट्रपति जो बाइडेन भुइँमा लडेका छन् ।

कोलोराडोमा आयोजित अमेरिकी वायुसेना एकेडेमीको दीक्षान्त समारोहमा सहभागि भएका बाइडेन स्टेजको भुइँमा लडेका हुन् ।

८० वर्षीय राष्ट्रपति लडेपछि उनलाई तुरुन्तै सुरक्षाकर्मीले उठाएका थिए ।

ह्वाइट हाउसका सञ्चार निर्देशक बेन लाबोल्टले स्टेजमा रहेको बालुवाको झोलामा ठोक्किँदा राष्ट्रपति बाइडेन लडेको बताएका छन् । उनले ट्वीट गर्दै राष्ट्रपति बाइडेन ठिक रहेको र चोट नलागेको स्पष्ट पारेका छन् ।

राष्ट्रपति बाइडेन लडेको भिडिओ अहिले सामाजिक सञ्जालमा भाइरल भइरहेको छ ।