काठमाडौं, १४ वैशाख । एसीसी प्रिमियर कप क्रिकेट प्रतियोगिता अन्तर्गत कतारले टस जितेर नेपालाई ब्याटिङको निम्तो दिएको छ ।
केहिबेरपछि कीर्तिपुरस्थित टियु क्रिकेट मैदानमा सुरु हुने खेलमा घरेलु टोली नेपालले पहिला ब्याटिङ गर्ने भएको छ ।
आजको खेलबाट समूह ए मा रहेको टोलीको विजेता र उपविजेताको टुंगो लाग्नेछ ।
समूह ए मा रहेको नेपाल र ओमान सेमिफाइनलमा प्रवेश गरिसकेको छ ।
यसैगरी प्रतियोगिता अन्तर्गत समूह बि मा रहेको हङकङ र कुवेतबीचको खेल पनि केहिबेरमा मुलपानी क्रिकेट मैदानमा सुरु हुँदैछ । हङकङले टस जितेर कुवेतलाई ब्याटिङको निम्तो दिएको छ ।
समूह बी बाट संयुक्त अरब इमिरेट्स (युएई) सेमिफाइनलमा पुगिसकेको छ ।
प्रतिक्रिया