काठमाडौं, १४ वैशाख । एसीसी प्रिमियर कप क्रिकेट प्रतियोगिता अन्तर्गत समूह चरणको अन्तिम खेलमा आज घरेलु टोली नेपालले कतारसँग प्रतिस्पर्धा गर्दैछ ।
कीर्तिपुरस्थित टियु क्रिकेट मैदानमा हुने खेल बिहान ९ बजेबाट सुरु हुनेछ । आजको खेलबाट समूह विजेता र उपविजेताको टुंगो लाग्नेछ ।
जारी प्रतियोगिताको समूह ए मा रहेको नेपाल र ओमान सेमिफाइनलमा प्रवेश गरिसकेको छ ।
यसैगरी, आजै समूह बी मा रहेको हङकङ र कुवेतबीचको खेल हुँदैछ । खेल बिहान ९ बजेबाट मुलपानी क्रिकेट मैदानमा हुनेछ ।
यसअघि समूह बी बाट संयुक्त अरब इमिरेट्स (युएई) सेमिफाइनलमा पुगिसकेको छ ।
प्रतियोगिताको उपाधि विजेता टिम एसिया कपका लागि छनोट हुनेछ ।
प्रतिक्रिया