
काठमाडौं, १० चैत । वरिष्ठ रेडियोकर्मी कृष्णा ताम्राकारको निधन भएको छ ।
उनको ८६ वर्षको उमेरमा बिहीबार राति न्युरो अस्पतालमा निधन भएको हो ।
२०१८ सालमा रेडियो नेपाल प्रवेश गरेकी ताम्राकारले २०४९ सालसम्म रेडियो नेपालमा समाचार वाचनका साथै नासो, हाम्रो देशको माटो, हाम्रो वन हाम्रो जीवन लगायत कार्यक्रम सञ्चालन गरेकी थिइन् ।
उनको आज दाहसंस्कार गरिने पारिवारिक स्रोतले जनाएको छ ।












प्रतिक्रिया