काठमाडौं, २८ फागुन । आईसीसी विश्वकप लिग–२ अन्तर्गत त्रिकोणात्मक एकदिवसीय सिरिज अन्तर्गत नेपालले आज युनाइटेड अरब इमिरेट्स (यूएई)सँग खेल्दैछ ।
काठमाडौंको कीर्तिपुरमास्थित त्रिवि क्रिकेट मैदानमा हुने खेल बिहान साढे ९ बजेदेखि सुरु हुनेछ ।
अंक तालिकामा नेपाल ३३ खेलमा १६ मा जित र १५ मा हारसहित ३४ अंकसहित पाँचौँ स्थानमा छ ।
नेपालले आजको खेलमा यूएईलाई हराउँदा ३६ अंकसहित चौथो स्थानमा उक्लिनेछ ।
यूएईको ३३ खेलमा १४ मा जित र १६ मा हारसहित ३१ अंकसहित छैटौँ स्थानमा छ ।
५० अंकसहित स्कटल्याण्ड च्याम्पियन बनिसक्दा ४४ अंकसहित ओमान दोस्रो स्थानमा छ ।
नेपाललाई सोझै विश्व कप छनोट खेल्न भने बाँकी तीनै खेल जित्नुपर्ने हुन्छ ।
प्रतिक्रिया