अभिनेत्री सुरक्षा पन्तले गरिन् बिवाह

काठमाडौं, २६ फागुन । अभिनेत्री सुरक्षा पन्त बिवाह बन्धनमा बाँधिएकी छिन् ।

सुरक्षाले प्रेमी मानव सुवेदीसँग बिवाह गरेकी हुन् । उनीहरू विगत सात वर्षदेखि प्रेम सम्बन्धमा थिए ।

लामो समयदेखि प्रेममा रहेका यी दुईको सम्बन्धबारे गएको प्रणय दिवसमा मात्रै खुलासा गरिएको थियो। उनीहरुले चितवनमा बिवाह गरेका हुन् ।

उनीहरुको विवाहमा सीमित आफन्त मात्रै उपस्थित थिए ।