राष्ट्रपति निर्वाचन: अन्तिम मत परिणाम कहिले आउँछ ?

काठमाडौं, २४ फागुन । भोलि (बिहीबार) राष्ट्रपतिको निर्वाचन हुँदैछ ।

निर्वाचनपछि देशले तेस्रो नयाँ राष्ट्रपति पाउनेछ । यसैबीच राष्ट्रपति निर्वाचनका लागि सबै तयारी पूरा भएको छ ।

मतदानका लागि काठमाडौंको नयाँवानेश्वरस्थित संसद् भवनको ल्होत्सेहलमा मतदान केन्द्र तोकिएको छ । दुई वटा मतदान केन्द्र बनाइएको छ ।

संघीय संसदका लागि एउटा र प्रदेशसभा सदस्यहरुलाई अर्को मतदान केन्द्र बनाइएको हो । निर्वाचनको मत परिणाम साँझ नै सार्वजनिक हुनेछ ।

मतदान सकिएको तीन घण्टाभित्र अन्तिम मतपरिणाम सार्वजनिक हुने बताएको छ । मतदानका लागि बिहान १० बजेदेखि दिउँसो तीन बजेसम्मको समय तोकिएको छ ।