काठमाडौं, २४ माघ । नेपाल टी ट्वेन्टी लिगमा स्पट फिक्सिङमा संलग्न थप एक जनालाई प्रहरीले पक्राउ गरेको छ ।
नेपाल प्रहरीको केन्द्रीय अनुसन्धान ब्युरो (सीआईबी) ले वीरगञ्जका नितेश गुप्तालाई पक्राउ गरेको हो । गुप्ता फिक्सिङमा बिचौलियाको भूमिकामा थिए ।
उनले केही खेलाडीहरुलाई फिक्सिङका लागि अफर गरेको सीआइबीले जानकारी दिएको छ । उनले तीनजनालाई फिक्सिङका लागि अफर गरेको र तीनैजना खेलाडीले अफर अस्वीकार गरेको पाइएको प्रहरीले बताएका छ ।
प्रहरीले यसअघि नै क्रिकेटर आदिल अन्सारी र मेशबुव आलमलाई पक्राउ गरिसकेको छ ।
प्रतिक्रिया