काठमाडौं, १९ माघ । नेकपा (एकीकृत समाजवादी) ले केन्द्रीय कमिटी बैठक मार्फत देशको समसामयिक स्थिति, सरकार लगाएतका बिषयमा धारणा बनाउने तयारी गरेको छ ।
पार्टी कार्यालयमा बिहीबार बसेको सचिवालय बैठकमा माघ २१ र २२ गते केन्द्रीय कमिटी बैठकको तयारीका बारेमा छलफल भएको र सोही बैठकले मुलुकको पछिल्लो राजनीतिक तथा समसामयिक स्थिति र सरकारकाबारेमा निर्णय लिने प्रवक्ता जगन्नाथ खतिवडाले जानकारी दिए ।
केन्द्रीय कमिटी बैठकमा प्रस्तुत हुने राजनीतिक प्रतिवेदनको मस्यौदामाथि छलफल भएको र परिमार्जन गरी प्रस्तुत गर्ने निर्णय भएको उनले बताए ।
प्रवक्ता खतिवडाले संगठन निर्माण , व्यवस्थीत तथा पुर्नगठन, पार्टीका सबै तहका कमिटीहरुलाई अधिवेशन गर्ने दिशातर्फ लाने लगायतका बिषयका कार्ययोजना बनाइएको र अन्तिम रुप दिन बाँकी रहेको जानकारी दिए ।
प्रतिक्रिया