काठमाडौं, ६ माघ । नेपाली काँग्रेसले मुक्ताकुमारी यादवलाई उपसभामुखको उम्मेदवार बनाउने निर्णय गरेको छ ।
शुक्रबार बिहान बसेको संसदीय दलको बैठकले यादवलाई उम्मेदवार बनाउने निर्णय गरेको हो । यादव समानुपातिकतर्फबाट सांसद बनेकी हुन् ।
प्रधानमन्त्री पुष्पकमल दाहाल ‘प्रचण्ड’ लाई विश्वासको मत दिएको काँग्रेसले बिहीबार भएको सभामुखको निर्वाचनमा पनि उम्मेदवारी दिएको थियो ।
काँग्रेसले सभामुखमा ईश्वरी न्यौपानेलाई उम्मेदवार बनाएको थियो । तर, सभामुखमा गठबन्धनतर्फबाट एमालेका देवराज घिमिरे निर्वाचित भए ।
जनता समाजवादी पार्टी, नेकपा एकीकृत समाजवादी पार्टी लगायत सरकारभन्दा बाहिर रहेका दलहरुसँग मिलेर काँग्रेसले सभामुखमा उम्मेदवारी दिएको थियो ।
तिनै दलहरुसँग मिलेर उपसभामुखमा पनि उम्मेदवारी दिने तयारी भएको काँग्रेसका नेताहरुले जानकारी दिएका छन् ।
प्रतिक्रिया