काठमाडौं, २२ पुस । दुई सातादेखि बन्द रहेको मनकामना केबलकार नियमित सञ्चालनमा आएको छ ।
विद्युत आपूर्तिका कारण प्यानलमा क्षति हुँदा १० पुसबाट बन्द भएको केबलकार सेवा आजबाट नियमित सञ्चालनमा आएको हो ।
विद्युत आपूर्तिमा भएको समस्याका कारण केबलकारको प्यानलमा क्षति पुगेको थियो ।
मर्मतका लागि निर्माता कम्पनी अष्ट्रियाको डोपलमायरकै प्राविधिक आउनुपर्ने हुँदा केही दिन सेवा अवरुद्ध भएको मनकामना दर्शन प्रालिले जनाएको छ ।
प्रतिक्रिया