काठमाडौं, २७ मंसिर । कतारमा जारी फिफा विश्वकप २०२२ अन्तर्गत आजबाट सेमिफाइनलका खेलहरु हुँदैछ ।
पहिलो सेमिफाइनल खेल दुई पटक विश्वकप विजेता अर्जेन्टिना र साविकको विश्वकप उपविजेता क्रोएसियाबीच हुँदै छ ।
लुसेल रंगशालामा हुने अर्जेन्टिना र क्रोएसियाबीचको खेल आज राति १२ः४५ बजेबाट सुरु हुनेछ ।
अर्जेन्टिनाले नेदरल्याण्डसलाई र क्रोएसियाले ब्राजिललाई पेनाल्टी सुटआउटमा पराजित गर्दै सेमिफाइनलमा पुगेका थिए ।
क्रोएसिया लगातार फाइनल प्रवेश गर्ने दाउमा छ भने अर्जेन्टिना सन् २०१४ पछि फाइनलमा पुग्ने लक्ष्यमा छ । यसअघिका दुई विश्वकपमा फाइनल पुगेका दुवै टोली पराजित भएका थिए ।
प्रतिक्रिया