विश्वकपको रिर्पोटिङ गर्दा गर्दै पत्रकारको निधन

काठमाडौं, २४ मंसिर । कतार विश्वकपको रिर्पोटिङ गरिरहेका एक पत्रकारको खेलकै बीचमा निधन भएको छ ।

गएराति नेदरल्याण्ड्स र अर्जेन्टिनाबीचको खेल चलिरहेकाबेलामा रिर्पोटिङ गरिरहेका अमेरिकी पत्रकार ग्रान्ट वाह्लको निधन भएको हो ।

लुसेल रंगशालामा खेल हेर्ने क्रममा उनलाई हृदयघात भएको हो ।

रंगशालाको प्रेस बक्समा बसेका उनी खेल चल्दा चल्दै एक्कासी ढलेका थिए रंगशालामै मेडिकल टीमले उनलाई २० मिनेटसम्म सीपीआर गरिएको थियो । तर उनलाई बचाउन सकेनन् ।