काठमाडौं, २ मंसिर । प्रतिनिधि र प्रदेश सभा सदस्य निर्वाचन हुन केही घण्टा मात्रै बाँकी रहँदा काठमाडौंलगायत ठूला सहरहरूबाट मानिसहरू आ–आफ्नो जिल्ला फर्किने क्रम बाक्लिएको छ ।
यसैक्रममा सङ्घीय राजधानी सहर काठमाडौंबाट पछिल्लो २४ घण्टाको अवधिमा ५८ हजार मतदाता आ–आफ्नो जिल्ला गएका छन् ।
प्रतिनिधि र प्रदेश सभा निर्वाचन आगामी आइतबार हुँदैछ । निर्वाचन प्रयोजनका लागि हिजो बिहीबार राति १२ बजेपछि मौन अवधि लागू भएको छ । जस अनुसार सम्पूर्ण राजनीतिक गतिविधि ठप्प छ ।
मतदातालाई निर्वाचनमा कसलाई मत हाल्ने भन्ने सोच विचार गर्नका लागि स्थिर समयको व्यवस्था गरिएको हो । मतदान मंसिर ४ गते बिहान ७ बजेदेखि साँझ ५ बजेसम्म हुनेछ ।
प्रतिक्रिया