मदिराको नशामा सात वर्षीया बालिकालाई बलात्कार

भक्तपुर, ९ कात्तिक । अस्वाभाविक रूपमा मादक पदार्थ सेवन गरी दोलखाका एक पुरुषले भक्तपुरमा सात वर्षीया बालिकालाई बलात्कार गरेका छन् ।

दोलखाको बैत्येश्वर गाउँपालिका–१ घर भई भक्तपुरको दुवाकोट बसोबास गर्दै आएका ३० वर्षीय राम चर्ने दाहालले ती बालिकालाई जबरजस्ती करणी गरेका हुन् ।

जबरजस्ती करणी गरेको अभियोगमा उनलाई मंगलबार दिउँसो प्रहरीले पक्राउ गरेको छ । दाहालविरुद्ध मादक पदार्थ सेवन गरी बालिकालाई जबरजस्ती करणी गरेको उजुरी प्रहरीमा आएलगत्तै उनलाई तत्काल पक्राउ गरिएको प्रहरीले जनाएको छ ।