राष्ट्रपतिले फिर्ता गरेको नागरिकता विधेयक सन्देशसहित राष्ट्रियसभामा

काठमाडौं, १२ भदौ । राष्ट्रपति विद्यादेवी भण्डारीले सन्देशसहित फिर्ता गरेको नागरिकता विधेयक आज आइतबार राष्ट्रिय सभामामा टेबुल भएको छ ।

आज बसेको बैठकमा राष्ट्रिय सभाका सचिव राजेन्द्र फुयाँलले राष्ट्रपतिबाट पुनर्विचारका लागि फिर्ता भएको नागरिकता विधेयकका सम्बन्धमा प्रतिनिधिसभाबाट प्राप्त सन्देशबारे जानकारी गराएका हुन् ।

आइतबार राष्ट्रियसभामा फिर्ता विधेयकबारे जानकारी गराएकाले अब अर्को बैठकमा छलफल हुनसक्ने बताइएको छ ।