महानगरको फोहोर व्यवस्थापनमा सहजीकरण गर्न सांसदहरू सम्मिलित समिति गठन

काठमाडौं, ७ भदौ । काठमाडौं महानगरपालिकाको फोहोर व्यवस्थापनमा सहजीकरण गर्नेगरी सहजीकरण तथा अनुमगन समिति बनाउने निर्णय भएको छ ।

शहरी विकास मन्त्री मेटमणि चौधरीको समन्वयमा हिजो सोमबार बसेको बैठकले समिति गठन गर्ने निर्णय गरेको हो । समितिमा काठमाडौँ, नुवाकोट र धादिङका प्रतिनिधिसभा सदस्यहरू समेत सम्मिलित रहने छन् ।

समितिले सम्झौता बमोजिमका कामहरू समयमा गर्न तीनै तहका सरकार र निकायहरूसँग समन्वय र सहजीकरण गर्ने बताइएको छ ।

फोहोर व्यवस्थापनका सन्दर्भमा महानगरले गर्नुपर्ने काम गरिरहेको छ।यस बाहेक कतिपय संघीय सरकारले नै गर्नुपर्ने काम छन्।हिजो सहरी विकास मन्त्रालयमा बसेको बैठकले ती काम तोकिएकै समयमागर्न आवश्यक सहजीकरण र अनुगमनका लागि काठमाडौँ,नुवाकोट र धादिङका सांसद सम्मिलित समिति बनाउने निर्णय गरेकोछ pic.twitter.com/2c8xhjfUSG

— Gagan Thapa (@thapagk) August 23, 2022