अहिलेको सांसद संख्याको आधारमा सीट बाँडफाँट गर्ने गठबन्धन कार्यदलमा समझदारी

काठमाडौं, २६ साउन । पाँच दलीय सत्ता गठबन्धनले विद्यमान संसदमा रहेका दलीय सांसदहरूको संख्याका आधारमा भावी सीट बाँडफँट गर्ने भएका छन् ।

आगामी मंसिर ४ गते हुने प्रतिनिधिसभा र प्रदेशसभा निर्वाचनको सीट बाँडफाँटको आधार तयार गर्न आज बिहीबार बसेको कार्यदलको बैठकले यस्तो सहमति जुटाएको हो ।

त्यो बेलाको निर्वाचनलाई आधार बनाउने मोटामोटीमा सहमति भएसँगै अब दलको प्रत्यक्ष र समानुपातिकतर्फ उपस्थितिको सेरोफेरोमा रहेर आगामी निर्वाचनका लागि सीट बाँडफँट गरिने एक नेताले बताए ।