स्याम्पुभित्र लुकाएर ल्याएको १०० ग्राम सुनसहित पक्राउ

काठमाडौँ, १० असार । त्रिभुवन अन्तर्राष्ट्रिय विमानस्थलमा ओमानबाट आएका यात्रुबाट १०० ग्राम सुन बरामद भएको छ ।

शुक्रबार सलाम एयरवेजको उडान नं. ४२७ मार्फत काठमाडौँ आएका सिराहाका निरन्जन कुमार सिंहबाट सुन बरामद भएको हो ।

उनलाई भन्सार कार्यालयले नियन्त्रणमा लिएको छ ।

भन्सार कार्यालयका अनुसार सिंहले सन सिल्क स्याम्पुको झोलमा मिसाएर १०० ग्राम सुन लुकाई ल्याएका थिए ।