काठमाडौँ, १९ वैशाख । विनाशकारी भूकम्पले क्षति भएको आफ्नो घरभित्र बिहान सामान लिन जाने क्रममा आज पुरिएकी एक महिलाको तत्काल उद्धार गरिएको छ ।
शङ्खरापुर नगरपालिका–११ साँखु शाल्खा टोलकी ४५ वर्षीया माया विष्टलाई सशस्त्र प्रहरी बलको सर्च एन्ड रेस्क्यु टोलीले जीवितै उद्धार गरेको भूकम्पपीडित स्थानीयवासी पवनलाल श्रेष्ठले जानकारी दिनुभयो ।
बिहान करिब ८ बजेतिर पुरिएकी ती महिलालाई १० मिनेटमै उद्धार गरिएको श्रेष्ठको भनाइ छ । शरीरका विभिन्न भागमा चोटपटक लागेकी विष्टको मलेसियाली स्वास्थ्य शिविरमा उपचार गरिएको छ । रासस
प्रतिक्रिया