मूल्य वृद्धिविरुद्ध युवा संघको मसाल जुलुसमा प्रहरीले हस्तक्षेप गर्दा झडप (तस्वीरसहित)

काठमाडौँ, ९ असार । नेकपा एमाले निकट युवा संघ नेपालले सरकारले पेट्रोलियम पदार्थमा बढाएको मूल्यवृद्धिको विरोधमा प्रहरीसँग झडप भएको छ ।

बिहीबार साँझ काठमाडौँको बानेश्वरमा संघका कार्यकर्ताहरुले निकालेका राँके जुलुसमा प्रहरीले हस्तक्षेप गरेपछि झडप भएको हो ।

युवा संघले मसाल जुलुस निकालेर सडक अवरुद्ध गरेपछि प्रहरीले बल प्रयोग गरेको थियो ।

प्रदर्शनकारीले सरकारी गाडी तोडफोड गरेका छन् भने प्रहरीसँगको झडपमा केही घाइते पनि भएका थिए ।

युवा संघले बुद्धनगरदेखि नयाँ बानेश्वरसम्म मसाल जुलुससहित प्रदर्शन गरेको थियो । प्रदर्शनकारीले मूल्यवृद्धिको फिर्ताको माग गर्दै प्रदर्शन गरेका थिए ।