सलमान खान नेपाल आउने कार्यक्रम फेरि स्थगित

काठमाडौँ, १० जेठ । भारतीय अभिनेता सलमान खान नेपाल आउने कार्यक्रम स्थगित भएको छ ।

आगामी जेठ १४ गते दशरथ रंगशालामा हुन लागेको दबंग टुर रिलोडड अन्तिम समयमा रोकिएको हो ।

ओडीसी इन्टरटेनमेन्टको आयोजनामा हुने कार्यक्रमका लागि सलमान खानलाई नेपाल ल्याउन लागिएको थियो ।

यद्यपि आयोजकले कार्यक्रम स्थगित भएकोबारे औपचारिक जानकारी गराएको छैन ।

कार्यक्रम स्थगित हुने पक्का भएको भए पनि कारण भने खुलाइएको छैन ।