दैलेखमा माओवादी द्वन्द्वको समयको भेटियो सकेट बम

काठमाडौँ, २५ वैशाख । दैलेखमा सकेट बम फेला परेको छ ।

जिल्लाको आठबीस नगरपालिका– ६ रोलमा फेला परेको सकेट बम नेपाली सेना, नेपाल प्रहरीको टोलीले डिस्पोज गरी बम निष्क्रिय गर्ने तयारी गरेको छ ।

प्रहरीका अनुसार खनजोत गर्दा स्थानीयले बम फेला पारेका हुन् ।

प्रहरीका अनुसार पहिले सुरक्षाफौजकै ब्यारेक भएका कारण जमिनमुनि लुकाइएको अवस्थामा बम भेटिएको हो ।

सशस्त्र युद्धताका २०६० सालमा यहाँ नेपाली सेना, सशस्त्र र नेपाल प्रहरीको संयुक्त टोलीको ब्यारेक बसेको थियो ।

बम १० १५ वर्ष पुरानो भएको प्रहरीको भनाइ छ ।