नक्कली बैंक ग्यारेन्टी बनाएको भन्दै वाणिज्य बैंकका ३ शाखा प्रबन्धकसहित ४ विरुद्ध भ्रष्टाचार मुद्दा

काठमाडौँ, २६ फागुन । अख्तियार दुरुपयोग अनुसन्धान आयोगले राष्ट्रिय वाणिज्य बैंक, जुम्लाका तत्कालीन शाखा प्रवन्धक रामजनक चौधरीसहित ४ जनाविरुद्ध भ्रष्टाचार मुद्दा दायर गरेको छ ।

ठेक्कामा पेश्की लिन मिलेमतो गरेको र ठेकेदारको नक्कली बैंक ग्यारेन्टी (जमानीपत्र) बनाइदिएको आरोपमा आयोगले उनीहरुविरुद्ध मुद्दा दायर गरेको हो ।