उच्च पहाडी तथा हिमाली भूभागमा हल्का हिमपातबाहेक मौसम सफा रहने

काठमाडौं, २३ फागुन । जल तथा मौसम विज्ञान विभाग, मौसम पूर्वानुमान महाशाले आज सोमबार देशका उच्च पहाडी तथा हिमाली भूभागका एक–दुई स्थानमा हल्का हिमपातबाहेक सामान्यतः मौसम सफा रहने बताएको छ ।

हाल देशमा उल्लेखनीय मौसमी प्रणाली नभएका कारण देशको पहाडी तथा हिमाली भूभागमा आंशिक बदली रही बाँकी भू–भागहरूमा मौसम सामान्यतया मौसम सफा रहने महाशाखाको भनाइ छ ।

महाशाखाका अनुसार दिउँसो पहाडी तथा हिमाली भूभागमा आंशिकदेखि सामान्य बदली रहनेछ । कर्णाली र सुदूरपश्चिम प्रदेशका उच्च पहाडी तथा हिमाली भूभागका एक वा दुई स्थानमा हल्का हिमपातको आँकलन छ ।

राति गण्डकी र सुदूरपश्चिम प्रदेशका उच्च पहाडी तथा हिमाली भूभागका एक वा दुई स्थानमा हल्का हिमपातको सम्भावना छ ।

भोलि मंगलबार सुदूरपश्चिम, गण्डकी र प्रदेश १ को उच्च पहाडी तथा हिमाली भूभागका एक वा दुई स्थानमा हल्का हिमपातको सम्भावना छ ।