ललितपुरमा स्कुटीको ठक्करबाट ६ वर्षीया बालिकाको मृत्यु

काठमाडौँ, २० फागुन । ललितपुरको ग्वार्को चोकमा स्कुटरको ठक्करबाट एक बालिकाको मृत्यु भएको छ ।

बिहीबार बेलुका पैदल हिँडिरहेकी ६ वर्षिया अनुष्का जैसवाललाई नम्बर नखुलेको स्कुटरले दिएको थियो ।

ललितपुर प्रहरीका अनुसार स्कुटरको ठक्करबाट गम्भीर घाइते भएकी बालिकाको उपचारका क्रममा ग्वार्कोस्थित बी एण्ड बी अस्पतालमा मृत्यु भएको हो ।

रौतहट घर भएकी बालिकाको परिवार बालकुमारीमा बस्दै आएको थियो ।

फरार स्कुटर र चालकको प्रहरीले खोजी गरिरहेको छ ।