वुधबारको प्रतिनिधिसभामा एमसीसी के होला ?

काठमाडौँ, २५ माघ । वुधबार प्रतिनिधिसभाको बैठक बोलाइएको छ ।

दिउँसो १ बजे बोलाइएको बैठकमा एमसीसी के होला भन्ने आम चासो रहेको छ ।

बैठकका सम्भावित कार्यक्रमहरु पनि तय भएका छन् ।

भोलिका बैठकमा प्रधानमन्त्री शेरबहादुर देउवाले थारु आयोगको वार्षिक प्रतिवेदन पेस गर्ने र शोक प्रस्ताव पेस गर्ने कार्यक्रम तय गरिएको संघीय संसद् सचिवालयका महासचिव डा. भरतराज गौतमले जनाएका छन् ।

प्रमुख प्रतिपक्षी दल नेकपा एमालेले विगत भदौ २३ गतेदेखि बैठक अवरोध गर्दै आएका छ ।

भोलिको बैठक पनि अवरोध गर्ने एमालेको नीति रहेको छ ।

त्यस्तै, प्रधानमन्त्री शेरबहादुर देउवा एमसीसी पास गर्नेपर्ने दवावमा रहेका छन् । जसका लागि उनले विभिन्न दलहरुसँग छलफल तीव्र बनाएका पनि छन् । तर अझै टुंगिन सकेको छैन । भोलिको बैठकमा एमसीसी टेवल नहुने देखिएको छ ।