विप्लवका कार्यकर्ताले नेपाल–भारत सीमापुलमा लगाए ताला

दार्चुला, १४ पुस । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका कार्यकर्ताले दार्चुला सदरमुकाम खलंगा र भारतको धार्चुला जोड्ने सीमापुलमा ताला लगाएका छन् ।

भारतको ज्यादती बढेको भन्दै उनीहरुले बुधबार बिहान पुलको गेटमा ताला लगाएका हुन् । भारतीय सीमा सुरक्षा बल (एसएसबी)ले विभिन्न बहानामा नेपाली नागरिकलाई दुःख दिने गरेकाले सीमापुलमा ताला लगाइएको बताइएको छ ।