काँग्रेस महाधिवेशनमा कति प्रतिनिधि सहभागी हुँदैछन् ?

काठमाडौँ, २१ मंसिर । नेपाली काँग्रेसको १४ औँ महाधिवेशनमा करिब ४ हजार ७०० प्रतिनिधि सहभागी हुने भएका छन् ।

प्रत्येक प्रतिनिधिसभा निर्वाचन क्षेत्रबाट २६ जनाका दरले निर्वाचित हुने तथा पार्टीका भातृ र शुभेच्छुक संस्थाबाट एवं विदेशस्थित जनसम्पर्क समितिबाट गरी करिब चार हजार ७०० महाधिवेशन प्रतिनिधि सहभागी हुने काँग्रेसले जनाएको छ ।

काँग्रेसले महाधिवेशन व्यवस्थापनका लागि सभापति शेरबहादुर देउवाको संयोजकत्वमा महाधिवेशन तयारी मूल समिति, केन्द्रीय सदस्य ज्ञानेन्द्रबहादुर कार्कीको संयोजकत्वमा अर्थ सङ्कलन समिति, केन्द्रीय सदस्य सुरेन्द्रराज पाण्डेको संयोजकत्वमा भोजन तथा आवास व्यवस्थापन समिति गठन गरी आवश्यक काम कारबाही प्रारम्भ गरेको छ ।