४ मंसिर २०८३, शुक्रबार

सिन्धुपाल्चोकमा बस दुर्घटना हुँदा १ जनाको मृत्यु, १८ जना घाइते

140
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, २४ कात्तिक । सिन्धुपाल्चोकमा माइक्रो बस दुर्घटना हुँदा एक जनाको मृत्यु भएको छ भने १८ जना घाइते भएका छन् ।

दुर्घटनामा गम्भीर घाइते भएकी सिन्धुपाल्चोकको बलेफी गाउँपालिका–५ की जानुका भन्ने सरस्वती पराजुलीको उपचारको क्रममा धुलिखेल अस्पतालमा मृत्यु भएको सिन्धुपाल्चोकका प्रहरी प्रवक्ता डिएसपी दक्षकुमार बस्नेतले जानकारी दिए ।

चौताराबाट काठमाडौँ आउँदै गरेको बा २ ख २६१२ नम्बरको हाइस बस पोखरे भन्ने ठाउँमा मंगलबार दिउँसो १२ः५५ बजे दुर्घटनामा परेको थियो । प्रहरीका अनुसार माइक्रो सडकबाट करिब ७–८ मिटर तल खसेको थियो ।

घाइतेहरूको धुलिखेल अस्पतालमा उपचार भइरहेको जिल्ला प्रहरी कार्यालय सिन्धुपाल्चोकले जनाएको छ ।