रोजगारीका लागि इजरायल जाने १ हजार १७५ कामदार छनोट

काठमाडौँ, २६ असोज । इजरायलले नेपालबाट लैजाने १ हजार १७५ जना कामदार छनोट गरेको छ ।

विभिन्न कारणले ढिलो भएको प्रक्रिया अब सुरु भएको हो । इजरायलले विभिन्न चरण पार गरिसकेका योग्य १ हजार नेपालीलाई लैजाने गरी गोलाप्रथाबाट छनोट गरेको हो ।

वैदेशिक रोजगार विभागले केही समय अघि इजरायल जान चाहनेका लागि परीक्षा लिएको थियो ।

नेपालमा भएको छनोट प्रक्रियामा विभिन्न चरण पार गरी १ हजार ६०० नेपालीलाई सूचीकृत गरिएकोमध्ये १ हजार १७५ जनाको नाम मंगलवार गोलाप्रथाबाट छनोट गरिएको हो ।