आइतबार थप ७३४ जनामा कोरोना पुष्टि, १ हजार ४१३ जना निको, १२ को मृत्यु

काठमाडाैँ, ३ असाेज । आइतबार थप ७३४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले पछिल्लो २४ घण्टामा थप १४१३ जना संक्रमणमुक्त भएको जनाएको छ ।

यसैबीच पछिल्लो २४ घण्टामा १२ जनाको मृत्यु भएको छ । यससँगै मृतकको कुल संख्या ११ हजार ४० पुगेको छ ।

हाल देशभर २४ हजार ३१३ जना सक्रिय संक्रमित रहेका छन् ।

पछिल्लो २४ घण्टामा १० हजार १३ जनामा परीक्षण भएको थियो ।