काठमाडौँ, २५ भदौ । नेपाली काँग्रेसले पूर्वनिर्धारित महाधिवेशन कार्यतालिका परिमार्जन गरेको छ ।
वडा महाधिवेशन कार्यतालिकाअनुसार सम्पन्न हुन नसकेपछि काँग्रेसले महाधिवेशन कार्यतालिका संशोधन गरेको हो ।
२० जिल्लाको वडा अधिवेशन हुन बाँकी रहेपछि महाधिवेशन कार्यतालिकामा हेरफेर गरिएको बताइएको छ ।
हालसम्म ५७ जिल्लामा मात्रै अधिवेशन सम्पन्न भएको छ ।
क्रियाशील सदस्यताको विवाद मिलाएर बाँकी २० जिल्लाको वडा महाधिवेशन असोज ५ बजे गर्ने निर्णय भएको छ ।
पालिकाको अधिवेशन असोज ९ गते हुने भएको छ । त्यस्तै प्रदेश निर्वाचन असोज १२ गते तथा एक मात्र निर्वाचन क्षेत्र भएको जिल्लाको अधिवेशन असोज १५ गते गरिनेछ ।
यसैगरी एक भन्दा बढी निर्वाचन क्षेत्र भएको जिल्लामा असोज १८ अधिवेशन गरिने भएको छ ।
तर, प्रदेशको अधिवेशन भने कात्तिक १० देखि १२ सम्म गरिने पुरानो कार्यतालिका यथावत गरिएको छ भने मंसिर ९ देखि १३ सम्म तय भएको महाधिवेशनको मिति पनि तत्काल परिवर्तन गरिएको छ ।
प्रतिक्रिया