काठमाडौँ, भदौ । वागमती प्रदेशकी मुख्यमन्त्री अष्टलक्ष्मी शाक्य अल्पमतमा परेकी छन् ।
मन्त्री बनेको सात दिनमै सामाजिक विकासमन्त्री कृष्णप्रसाद शर्मा खनालले दल परिवर्तन गरेपछि शाक्य अल्पमतमा परेकी हुन् ।
एमाले फुटाएर माधव नेपालको नेतृत्वको नेकपा (एकीकृत समाजवादी) पार्टीको नयाँ दल दर्तामा मन्त्री खनालले सनाखत गरेका छन् ।
खनालले एमाले छोडेर एकीकृत समाजवादीको केन्द्रीय सदस्यको सूचीको ५२ नम्बरमा सनाखत गरेका हुन् ।
त्यस्तै, अर्का केन्द्रीय सदस्य राजेन्द्र पाण्डेले नेकपा (एकीकृत समाजवादी) पार्टी दर्ता प्रक्रियाका लागि निर्वाचन आयोगमा सनाखत गरेका छन् ।
खनाल र पाण्डेले दल छोडेपछि मुख्यमन्त्री शाक्यको सरकार अल्पमतमा परेको हो ।
प्रदेश सभामा हाल १०९ जनामध्ये एमाले एक्लैको स्पष्ट बहुमत अर्थात् ५६ जना प्रदेश सभा सदस्य रहेका थिए । तर खनाल र पाण्डेले छोडेपछि अब भने मुख्यमन्त्रीलाई बहुमत पुर्याउनुपर्ने चुनौती आएको छ ।
प्रतिक्रिया