काठमाडौं उपत्यकामा संक्रमितको संख्या तीव्र वृद्धि, एकैदिन ९१० जनामा संक्रमण पुष्टि

काठमाडौं, २३ साउन । शनिबार देशभर कोरोना भाइरसका ३ हजार २१८ जना संक्रमित थपिँदा काठमाडौं उपत्यकामा मात्रै ९१० जना संक्रमित थप भएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टाको अवधिमा काठमाडौंमा ५९३ जना, ललितपुरमा १८९ जना र भक्तपुरमा १२८ जना संक्रमित थपिएका हुन् ।

अघिल्लो दिन काठमाडौं उपत्यकामा जम्मा ७०१ जना संक्रमित थपिएका थिए । उक्त दर आज बढेर ९१० पुगेको छ । शुक्रबार काठमाडौंमा ४७१ जना, ललितपुरमा १४७ जना र भक्तपुरमा ८३ जना संक्रमित थपिएका थिए ।