युवा संघद्वारा भूमि आयोग खारेज गर्ने देउवा सरकारको निर्णयविरुद्ध प्रदर्शन

काठमाडौं, २१ साउन । शेरबहादुर देउवा नेतृत्वको वर्तमान सरकारले भूमिसम्बन्धी समस्या समाधान आयोग खारेज गरेको विरोधमा नेकपा (एमाले) को भ्रातृ संगठन युवासंघले वृहत् प्रदर्शन गरेको छ ।

आज बिहीबार काठमाडौंको जडीबुटी क्षेत्रमा युवा संघले आयोग खारेजीको विरोधमा प्रदर्शन गरेको हो । प्रदर्शनकारीहरूले सरकारविरुद्ध नारा लेखिएका प्लेकार्ड बोकेर प्रदर्शन गरेका थिए ।

गत मंगलबार देउवाको मन्त्रिपरिषद् बैठकबाट एमाले नेतृत्वको सरकारले गठन गरेको भूमिसम्बन्धी समस्या समाधान आयोग खारेज गरेको थियो ।