काठमाडौं, २५ असार । सरकारले नेपाल प्रहरीका नायब महानिरीक्षक (डीआईजी) सहकुल थापालाई एआईजीमा बढुवा गरेको छ ।
प्रधानमन्त्री निवास बालुवाटारमा बिहीबार बसेको मन्त्रिपरिषद् बैठकले थापालाई एआईजीमा बढुवा गर्ने निर्णय गरेको स्रोतले जनाएको छ ।
बढुवा समितिको सिफारिसअनुसार डीआईजी थापालाई एआईजीमा बढुवा गरेको हो । केही दिनअघि मात्र प्रहरीमा एआईजीको एक दरबन्दी थप गरिएको थियो ।
एआईजीमा बढुवा भएका थापा अब विश्वराज पोखरेलसँगै प्रहरी महानिरीक्षको प्रतिस्पर्धामा आएका छन् ।
आईजीपीको बढुवा लाइनमा एआईजी पोखरेल यसअघि एक्ला व्यक्ति थिए । प्रधानमन्त्री केपी ओलीले नै पोखरेललाई बढुवा गरेका थिए । अहिले आएर थापालाई पोखरेलको प्रतिस्पर्धी बनाइदिएर चकित बनाएका छन् ।
एआईजी पोखरेललाई जुनियर बनेर प्रहरीभित्र आलोचना हुँदै आएको थियो ।











प्रतिक्रिया