सकियो ओली-नेपालबीचको वार्ता, के भयो निष्कर्ष ?

काठमाडौँ, २३ असार । नेकपा एमालेका अध्यक्ष तथा प्रधानमन्त्री केपी शर्मा ओली र वरिष्ठ नेता माधवकुमार नेपालबीच भएको भेटवार्ता सकिएको छ ।

वुधबार साँझ होटल मेरियटमा भएको करिब २ घण्टाकाे वार्तामा कुनै ठोस सहमति भने नभएको जनाइएको छ ।

नेताहरुले भेटवार्ताबाट समस्या समाधान तर्फ अघि बढ्न सकिने बताए पनि आजको भेटमा कुनै निष्कर्ष भने निस्किएन । करिब २ महिनापछि भएको दुई नेताबीचको छलफलमा विवाद समाधानबारे ठोस सहमति नभए पनि कार्यदलको भने निरन्तर बैठक हुने बताइएको छ ।

छलफलमा कार्यदलका दुवै पक्षको केही नेताहरु पनि सहभागी भएका थिए ।