सुनको मूल्य एकै दिन ६ सय रुपैयाँले घट्यो

काठमाडौँ, ३० जेठ । नेपाली बजारमा सुनको मूल्य एकै दिन ६ सय रुपैयाँले घटेको छ ।

नेपाल सुनचाँदी व्यवसायी महासंघका अनुसार आइतबार सुन प्रतितोला ६०० रुपैयाँले घट्दै ९३ हजार ९०० रुपैयाँमा कायम भएको हो ।

त्यस्तै, आज तेजाबी सुन समेत ६०० रुपैयाँले नै घट्दै ९३ हजार ४०० रुपैयाँ कायम भएको छ ।

चाँदीको मूल्य भने शुक्रबारदेखि स्थिर रहेको छ । आइतबार पनि चाँदी एक हजार ३७० रुपैयाँमा कारोबार भएको छ ।