काठमाडौँ, ३० वैशाख । नेकपा एमालेका अध्यक्ष केपी शर्मा ओली पुनः प्रधानमन्त्रीमा नियुक्त हुँदैछन् ।
राष्ट्रपति निवास शितलनिवासमा सपथका लागि तयारी सुरु गरिएको बताइएको छ ।
स्रोतका अनुसार अब केही समयमा नै सपथ ग्रहणको कार्यक्रम रहेको छ ।
एमाले फुटाएर सरकार गठन गर्न लागेका काँग्रेस र माओवादीले नयाँ सरकारको नेतृत्व दावी गर्न नसकेपछि ओली नै प्रधानमन्त्री बन्न लागेका हुन् ।
स्रोतका अनुसार एमालेका वरिष्ठ नेता माधवकुमार नेपाल पक्षका ४ जना पनि मन्त्री बन्ने बताइएको छ ।
यद्यपि ओलीले एक महिनाभित्र बहुमत सिद्ध गर्नुपर्ने हुनेछ ।
प्रतिक्रिया