५ मंसिर २०८३, शनिबार

एमालको स्थायी कमिटीको बैठक बस्दै, नेपाल समूहबारेमा छलफल हुन सक्ने

168
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, ३० वैशाख । प्रधानमन्त्री समेत रहेका एमालेका अध्यक्ष केपी ओलीले स्थायी कमिटीको बैठक बोलाएका छन् ।

एमालेको स्थायी कमिटीको बैठक बिहान ९ बजे बालुवाटारमा बस्नेछ । बैठकमा नयाँ सरकारमा दाबी गर्ने विषयमा पनि छलफल हुनेछ ।

एमालेका वरिष्ठ नेता माधवकुमार नेपाल समूहका सांसदहरूले सामूहिक राजीनामा दिने चर्चा चलेका बेला एमालेको स्थायी कमिटीको बैठक बस्न लागेको छ ।

नेपाल समूहलाई फकाउन अर्थमन्त्री समेत रहेका नेता विष्णु पौडेलले प्रयासहरू गरिरहेका छन् । नेपाल समूहभित्रका सांसदलाई फकाएर एमालेमा ल्याउने प्रयासहरू भइरहेका छन् ।

राष्ट्रपतिद्वारा सरकारमा दाबी गर्न आजको समय दिइएको छ । समयभित्र बहुमत दाबी गरेर राष्ट्रपति कार्यालयमा पत्र दर्ता गर्नुपर्छ ।