५ मंसिर २०८३, शनिबार

ओली सरकारलाई दिएको समर्थन माओवादीद्वारा फिर्ता, संसदलाई पत्र थमाइयो

154
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, २२ वैशाख । माओवादी केन्द्रले प्रधानमन्त्री केपी ओली नेतृत्वको सरकारलाई दिएको समर्थन फिर्ता लिएको छ ।

माओवादी केन्द्रले बुधबार सरकारलाई दिएको समर्थन फिर्ता लिएको निर्णयबारे संघीय संसद सचिवालयलाई जानकारी गराएको छ । माओवादीका प्रमुख सचेतक देव गुरुङले संसद सचिवालयमा समर्थन फिर्ता लिएको पत्र बुझाएका छन् ।

प्रधानमन्त्री ओलीले आगामी २७ गते प्रतिनिधिसभाबाट विश्वासको मत लिन लागेपछि माओवादी केन्द्रले सरकारलाई दिएको समर्थन फिर्ता लिने निर्णय गरेको हो ।

बुधबार बिहान बसेको संसदीय दलले २०७४ साल फागुनमा एमाले संसदीय दलको नेता ओलाीलाई नेपालको संविधानको धारा ७६ को उपधारा २ बमोजिम दिएको समर्थन फिर्ता लिने निर्णय गरेको हो ।

सो निर्णयलाई माओवादी केन्द्रका संसदीय दलका प्रमुख सचेतक गुरुङले संघीय संसद प्रतिनिधिसभाका सचिव गोपालनाथ योगीलाई बुझाए ।