दाङमा शुक्रबारबाट निषेधाज्ञा शुरु

घोराही, १७ वैशाख । दाङ जिल्लामा शुक्रबार बिहान ६ बजेदेखि निषेधाज्ञा शुरु भएको छ ।

कोरोनाको नयाँँ भेरियन्टसहितको सङ्क्रमण तीव्र गतिमा फैलिएकाले रोकथाम तथा नियन्त्रणका लागि ९ दिन लकडाउनको घोषणा गरिएको हो ।

दाङमा लकडाउनको प्रभाव बिहानैदेखि देखिएको छ । बजार, यातायात सबै सुनसान भएका छन् ।

लकडाउनको समयमा खाद्यान्नका पसल भने दैनिक बिहान ६ बजेदेखि ८ बजेसम्म सञ्चालन हुने भएको छ ।

अत्यावश्यक गाडीबाहेक अन्य यातायात सञ्चालनमा रोक लगाइएको छ ।