लण्डन, १४ वैशाख । इङ्ग्लिस प्रिमियर लिग फुटबलमा लेस्टर सिटीले क्रिष्टल प्यालेसलाई २–१ गोलले पराजित गरेको छ ।
लेस्टरको लागि क्यास्टानियोले ५० औँ र इहानाचोले ८० औँ मिनेटमा गोल गरेका हुन् । क्रिस्टल प्यालेसका लागि जाहले १२ औँ मिनेटमा एक गोल गर्दै अग्रता बनाए पनि जोगाउन सकेनन् ।
जितसँगै लेस्टर सिटी ६२ अङ्कसहित तेस्रो स्थानमा रहेको छ । ३८ अङ्क रहेको क्रिस्टल १३ औं स्थानमा छ ।
लिगमा म्यानचेस्टर सिटी ७७ अङ्कसहित शीर्ष स्थानमा रहेको छ । म्यानचेस्टर युनाइटेड ६७ अङ्कसहित दोस्रो स्थानमा रहेको छ ।
प्रतिक्रिया
सम्बन्धित
सिफारिस