कक्षा २ मा पढ्ने बालिका शिक्षकबाटै बलात्कृत

डडेल्धुरा, १० फागुन । डडेल्धुराको एउटा विद्यालयको कक्षा २ मा अध्ययारत १० वर्षीयाा बालिका शिक्षकबाटै बलात्कारको शिकार बनेकी छिन् ।

ती बालिकालाई बलात्कार गरेको आरोपमा डडेल्धुराकै एक जना शिक्षक पक्राउ परेका छन् । गन्यापधुरा गाउँपालिका– ४ स्थित भुवनेश्वरी माध्यमिक विद्यालयमा कक्षा २ मा अध्ययनरत बालिकालाई बलात्कार गरेको आरोपमा ४७ वर्षीय ती शिक्षकलाई आइतबार प्रहरीले पक्राउ गरेको हो ।

जिल्ला प्रहरी कार्यालय डडेल्धुराका प्रहरी नायव उपरीक्षक महेन्द्र नेपालले बालिका र नियन्त्रणमा रहेका शिक्षक दुबैको मेडिकल टेस्टको काम भइहरेको जानकारी दिए ।

मेडिकल रिपोर्टका आधारमा कानुनी प्रक्रिया अघि बढ्ने उनले बताए ।