राजनीतिक दलका नेताहरुलाई निर्वाचन आयोगले बोलायो

काठमाडौं, २ फागुन । चुनावी आचारसंहिताबारे छलफल गर्न निर्वाचन आयोगले राजनीतिक दलका नेताहरुलाई बोलाएको छ ।

आगामी वैशाख १७ र २७ गते हुने चुनावका लागि आयोगले आचारसंहितामाथि दलका नेताहरुसँग छलफल गर्न लागेको हो ।

निर्वाचन आयोग कार्यालयमा हुने छलफलमा सबै दलका अध्यक्ष, सभापति तथा प्रतिनिधिहरुलाई बोलाइएको हो ।

निर्वाचन आचारसंहिताको मस्यौदा तयार भइसकेको र दलका नेताहरुको सुझाव लिएर छिट्टै जारी गरिने आयोगको भनाइ छ ।