काठमाडौँ, २१ पुस । काठमाडौँमा अत्याधिक वायु प्रदुषण भएपछि हवाइ समेत प्रभावित बनेको छ ।
त्रिभुवन अन्तर्राष्ट्रिय विमानस्थलले वायु प्रदुषणका कारण भिजिविलिटी कम भएपछि विमानस्थलको सेवा बन्द गर्नुपरेको जनाएको छ ।
विमानस्थल मंगलबार दिउँसो १ः३० बजेदेखि १ः५० सम्म २० मिनेट बन्द गरिएको थियो ।
त्यो समयमा अवतरण गर्न खोज्ने र टेक अफ गर्ने जहाज आकाशमै होल्ड गरिएको थियो ।
उक्त समयमा ५ वटा विमान आकाशमै होल्ड भएका थिए ।
सामान्यतया विमान अवतरणका लागि १२ सय मिटरको भिजिबिलिटी आवश्यक हुन्छ । तर काठमाडौँको आकाशमा मंगलबार वायु प्रदुषणका कारण १ हजार मिटर मात्रै भिजिबिलिटी देखिएको बताइएको छ । अहिले भने भिजिविलिटी करिब १६ सय मिटरमा पुगेकाले विमानस्थल सुचारु भइसकेको छ ।
प्रतिक्रिया